វិធីគ្រប់គ្រង់ស្នេហាយ៉ាងមានប្រសិទ្ធភាព

​​​​​​​​​​​ទោះ​​​​ជារោគស្នេហាពាក់ពាន់ទៅនឹងអារម្មណ៍ក៏ដោយ ក៏យើងអាចគ្រប់គ្រង់វាឲ្យនៅក្នុងក្រប ខ័ណ្ឌដែរ យើងមិនត្រូវអោយវាទៅតាមអារម្មណ៍គ្រប់ពេលវេលាដែរ ដូច្នេះយើងគួរតែគ្រប់គ្រង់វាឲ្យ មានប្រសិទ្ធិភាព ដើម្បីរក្សាវាឲ្យនៅគង់វង្សហើយសុខសាន្តយូរអង្វែង។ 

          ១ មិនគួរឲ្យអ្វីដែលពិសេសគ្រប់ពេលវេលានោះទេ 

            ដឹងថាគេជាមនុស្សពិសេសសំរាប់យើង តែយើងមិនត្រូវធ្វើអ្វីដែលពិសេសរាល់ពេលសំរាប់ គេនោះទេ ព្រោះធ្វើឲ្យគេបានចិត្តក្លាយទៅជាមនុស្សអាត្មានិយមបានហើយម្យ៉ាងទៀតការដែលយក ចិត្តគេច្រើនជ្រុលនោះវាក៏បកមកវិញនូវការមិនស្មើភាពគ្នាព្រោះគេមិនអាចធ្វើដូចយើងបានឡើយ នាំមកនូវភាពសៅហ្មងដោយខ្លួនឯង វាជារឿងធម្មតាបំផុត យើងធ្វើល្អដាក់គេគឺចងឲ្យគេធ្វើល្អដាក់ យើង តែនៅពេលដែលគេធ្វើពុំបាននាំឲ្យខ្លួនឯងគិតតិចគិតច្រើនរហូតដល់អន់ចិត្តដោយខ្លួនឯង ។

          ២ កុំយកចិត្តគេពេក 

            ពុំមែនបានន័យថា មិនឲ្យខ្វល់ពីគេនោះទេ គ្រាន់តែយើងគួរតែដឹងពីតួនាទីខ្លួនជាអ្វីទៅបាន ហើយ ដូចជាការនិយាយស្តីពុំចាំបាច់ផ្អែមពេកទេ ក៏មិនចាំបាច់រលួយពេកដែរ​ វាងាយធ្វើឲ្យសាប គួរ ប្រើវិធីរបៀបមិត្តស្និតស្នាលទៅវិញដោយស្មើភាពគ្នាទៅវិញទៅមកឡកឡើយទៅតាម កាលៈទេសៈ ​រូមេនទិចទៀតផង។ 

          ៣​ កុំចង់ដឹងចង់លឺរឿងគេច្រើនពេក

            ទោះជាមនុស្សពិសេសយ៉ាងណា​ ឬបេះដូងតែមួយក៏ដោយ​ អ្នកត្រូវដឹងថា​មនុស្សម្នាក់សុទ្ធតែ មានរឿងផ្ទាល់ខ្លួនដែលមិនចង់ឲ្យអ្នកដៃគួររបស់ខ្លួនដឹង ទោះជារឿងនោះជារឿងល្អ​ ឬយ៉ាងណាក៏ ដោយ ​មនុស្សមានរឿងផ្សេងៗដែលមិនចង់ឲ្យស្រ្តីដឹង​ទោះជារឿងនោះមិនគួរលាក់បាំងក៏ដោយ ដូច្នេះ យើងមិនត្រូវជជីករកហេតុផលនោះទេ ឬ គាស់កកាយឲ្យបែកធ្លាយចេញមកទេ ទុកឲ្យគេជាអ្នកសំរេច ចិត្តក្នុងការនិយាយ បើនិយាយឲ្យចំទៅមនុស្សពុំចូលចិត្តឲ្យស្រ្តីមកខ្វល់ខ្វាយពីបញ្ហាផ្ទាល់ខ្លួនគេទេ បើ គេគិតថាយើងអាចជួយគេបាន គេនឹងពិភាក្សាដោយខ្លួនឯង​ យកល្អកុំចង់ដឹង​​ ចង់ឭរឿងច្រើនពេកនាំ​តែសៅហ្មងដល់រឿងគ្រួសារទេ។ 

          ៤ ប្រច័ណ្ឌ 

            រឿងនេះក៏ជារឿងសំខាន់ដែរ ទីមួយអ្នកត្រូវដឹងថាមនុស្សគ្រប់រូបតែងតែមានវិធីដោះទុក្ខសោក ប្លែកៗពីគ្នា ហើយសំខាន់ផងដែរបុរសពុំចូលចិត្តឲ្យស្រ្តីសម្តែងខ្លួនជាម្ចាស់ជីវិតរបស់គេឡើយ ដូច្នេះ អ្នកគ្រាន់តែសំដែងខ្លួនឲ្យគេដឹងថា ខ្លួនជាប្រពន្ធជាអ្នករួមទុក្ខរួមសុខទៅបានហើយ ម៉្យាងទៀតបើគេ មានគោលបំណងចង់គេចចេញពីអ្នក ទោះជាអ្នកខំហួងហែងយ៉ាងណាក៏ដោយ វានៅតែមានថ្ងៃបញ្ចប់ ដដែល ដូច្នេះអ្នកគួរតែសម្តែងតួនាទីជាប្រពន្ធជាម្តាយរបស់កូន និងសិទ្ធិរបស់ខ្លួនទៅបានហើយ។

          ៥​ ព្យាយាមរកឱកាសសម្រាប់ខ្លួនឯង 

            ពីបុរាណគេមិនឲ្យស្ត្រីរៀនសូត្រច្រើនទេ ព្រោះខ្លាចស្រ្តីចេះសរសេរសំបុត្រ ឫចេះតវាប្តី​ ដូច្នេះ​យើងឃើញថា​ស្រ្តីពីសម័យនោះបាត់បង់ឱកាសច្រើនណាស់ តែមកដល់សព្វថ្ងៃនេះយើងត្រូវដឹង ហើយពួករកឱកាសរបស់ខ្លួនដើម្បីបង្កើនភាពរឹងមាំទាំងកាយ ទាំងចិត្ត និងក្រុមគ្រួសារដោយការមាន ជំនាញមានទំនាក់ទំនងផ្សេងៗស្ត្រីខ្មែរមួយចំនួនធំច្រើនតែពឹងទៅលើប្តីទាំងស្រុង ពេលអត់ពីប្តីទៅ ទើបខំប្រឹង ដូច្នេះយើងត្រូវត្រៀមខ្លួនអោយហើយជាស្រេចទាំងសុខភាព និងការយល់ដឹងផ្សេងៗក្នុង សង្គម បើនិយាយឲ្យចំទៅគឺការធ្វើខ្លួនមិនត្រូវបណ្តោយខ្លួនឥតប្រយោជន៍ទៅតាមពេលវេលានោះទេ ត្រូវតែធ្វើឲ្យគេឃើញថាយើងមានសម្ថតភាព និងមានតំលៃ៕

 អត្ថបទពី Internet